कुता और लठ

एक बार की बात सै एक चौधरी साहब अपने आँगन में बैठ कै रोटी खान लाग रह्या था तो बस आखिरी टूक तोड़ा ऐ था तो गली का कुत्ता आन टपकया चौधरी साहब ने उसकी आंख्यां में देख्या तो वो कती भूख तै जलन लाग रह्या था। चौधरी साहब ने मन ही मन कहा “साले जे तू दो मिनट पहले नही आया होता तो तने साबत रोटी खुआता” । खैर चौधरी साहब ने तुरंत भीतर आवाज मारी और पूछ्या भागवान कोई रोटी टूक बच रह्या सै के, तो अंदर तै आवाज आई कोन्या जी रोटियाँ तो जमा सापड गयी। फेर चौधरी साहब आवाज मारी और पूछ्या भागवान कोई ब्रेड ब्राड होगा वो लिया। फेर आवाज आई जी ब्रेड भी कोन्या। चौधरी साहब नै फेर आवाज मारी और कह्या भागवान कोय बिस्कुट बास्कुट धरया होगा वो लिया, अंदर ते फेर जवाब आया आज तो वो भी कोन्या। फेर चौधरी साहब ने आवाज मारी और कह्या भागवान न्यू कर लठ ले आ खाली तो मैं भी ना जान देता।

सत्संग मोड्डा एंड रोहतकी